描述
由「香港燒賣關注組」同「文樂園」聯手合作推出，最具有街頭風味嘅素食燒賣，等左好耐，終於登陸叁拾士多喇！
「香港燒賣關注組」嘅會友成日問討論邊款燒賣好食，但素食會友就真係陰功，無咩好選擇。
坦白講，素燒賣坊間真係好食唔多，腦細試過有啲淡而無味，有啲豆味過濃大，直至燒賣關注組幾條痴線友做左隻純素版本，喂⋯⋯掂喎！果然有料到～～！
「素街燒賣」從裡到外採用純素食材，內餡採用黑木耳、菇粉、全新植物肉等製成。而外皮採用天然薑黃色素，無蛋無奶，素食朋友自然食得安心放心。加上由本地資深點心工房文樂園揸旗，反覆研究改良，全本地手工製作呢款獨具街頭風格嘅素燒賣。
食用日期︰見包裝
儲存需知：必需放至冷藏格 (-18度)
產地：香港
建議食法：
蒸爐：無需解凍，隔水蒸15分鐘，直至燒賣夠透
重量︰105克 / 7粒裝
